Каныбек Осмоналиев муфтийди шайлоодо күч түзүмдөрүн кийлигишпөөгө чакырды

275  1
Расул Усеналиев

Жогорку Кеңештин депутаты Каныбек Осмоналиев 2012-жылдын 15-декабрында боло турчу Кыргызстан мусулмандарынын курултайына карата өз кайылуусун таратты.

Ал өз билдирүүсүнда курултайды абдан маанилүү руханий, анан калса мамлекеттик деңгээлдеги идеологиялык мааниси бар иш чара катары сыпаттайт. “Кыргызстандын жалпы калкынын 80 пайызын түзгөн ислам жамааты өзүнүн стабилдүүлүккө үндөгөн, исламдын чыныгы баалуулуктарына шайкеш келген саясатты жүргүзүүсү биздин мамлекет үчүн кандай мааниге ээ экендигин баарыбыз түшүнүп турабыз. Ошондуктан биздин Кыргыз Республикасынын Конституциясына ылайык, өлкөнүн дин жаатындагы бардык мыйзамдарынын базалык параметрлерине шайкеш, мамлекет менен диний уюмдар бири-биринин ишине кийлигишпөө принцибин сакташыбыз керек”, - деп жазылат депутаттын кайрылуусунда.

Депутат андан сырткары ага курултайдын делегаттары тарабынан, жалпы эле ислам жаатындагы жарандардын ичинен көп кайрылуулар болуп жаткандыгын айтат. “Алардын пикири боюнча дагы эле мурункулардын заманындагыдай курултайдын өтүшүнө түздөн-түз кийлигишип, ал турсун кандайдыр бир кандидатураны таңуулашып, ошону сөзсүз өткөрөсүңөр деп жаткандыгы баарыбызды абдан көп түйшөлдүрүп жатат деп келишти мага. Ачык эле айтсак, Урматтуу Президентибиздин, өкмөттүн аппараттарынын жооптуу кызматкерлери, кээ бир министрликтердин өкүлдөрү, айрыкча күч түзүм органдары, алардын ичинен, МУКК, Ички иштер министрлиги, прокуратуранын өкүлдөрү делегаттарды жалгыздан чакырып алып, ал же тигил кандидатурага добуш бересиңер дегени баарыбызды жаран катары, абдан чоң түйшүккө салып отурат, дешти”, - деп жазылат билдирүүдө.

Осмоналиев ошондой эле “Конституциянын чыныгы параметрлерине баш ийип, муфтийди тандап алуу вазийпасына жолтоо болбосок, киришпесек. Ушуну мен силерден суранат элем! Бул кадам мыйзамдар боюнча деле, шарият боюнча деле, анан баарыбыз үчүн ыйык болгон Курани Карим үчүн дагы ошол ислам жамааты өздөрү сунуш кылган делегаттардын гана укугу жана милдети экендигин баса белгилеп айтып койгум келет”, - дейт ал.

Комментарии
Айдай
13.12.2012, 11:34

Каныбек мырза, бу муфтийди шайлоодо эгемен жылдардан баштап, президенттин көңүлүнө төп келген адамды дин башчылыгына отургузуу салт болуп калган.Азыр бийлик,убактылуу ажы Рахматулла Эгембердиевди ордуна калтыруу боюнча аракети күч болуп жатат.Бирок мен жаран катары айтып коюм керек ,бул орунга Абдышүкүр Нарматов деген ажы ылайыктуудай болуп турат.Баягы коогалаң күндөрү араб делегациясынын келген меймандардын сөзүн өтө устаттык менен которду.Сөзгө чечен, диний лидер катары харизмасы күчтүү.Эмне үчүн бийлик, күч структуралары бул орунга өз адамын отургузууга катуу кармашат, анткени ажылыктан акча сындырууга чоң коррупциялык "лазейка" бар, али да тыйыла элек.Кай жер болбосун профессионалдарды тандашыбыз керек.

0
Цитировать
Жалоба модератору
Комментарии от анонимных пользователей появляются на сайте только после проверки модератором. Если вы хотите, чтобы ваш комментарий был опубликован сразу, то авторизуйтесь
Правила комментирования
На нашем сайте нельзя:
  • нецензурно выражаться
  • публиковать оскорбления в чей-либо адрес, в том числе комментаторов
  • угрожать явно или неявно любому лицу, в том числе "встретиться, чтобы поговорить"
  • публиковать компромат без готовности предоставить доказательства или свидетельские показания
  • публиковать комментарии, противоречащие законодательству КР
  • публиковать комментарии в транслите
  • выделять комментарии заглавным шрифтом
  • публиковать оскорбительные комментарии, связанные с национальной принадлежностью, вероисповеданием
  • писать под одной новостью комментарии под разными никами
  • запрещается использовать в качестве ников слова "ВБ", "Вечерний Бишкек", "Вечерка" и другие словосочетания, указывающие на то, что комментатор высказывается от имени интернет-редакции
  • размещать комментарии, не связанные по смыслу с темой материала
НАВЕРХ  
НАЗАД