Уюшкан кылмыш тобунун мүчөсү кармалды

  15.04.13   08:09
 285

КР ИИМдин уюшкан кылмыштуулукка каршы күрөшүү боюнча башкы башкармалыгынын кызматкерлери тарабынан, издөөдө жүргөн 1985-жылы туулган кылмышкер кармалды. Бул тууралуу укук коргоо органдарынан маалымдашты.

Билдирүүгө караганда, кармалган жаран Октябрь РИИБ тарабынан "Алдамчылык" беренеси боюнча издөөдө жүргөн. Ага унаа транспортторду сатуу жана сатып алууда көз боемочулук кылган деген айып тагылууда.

Кылмышкер Ош облусундагы Ноокат районунун тургуну. Буга чейин тентектик үчүн 2 жолу соттолуп чыккан. Ошондой эле ок атуучу куралды мыйзамсыз алып жүргөндүгү жана сактагандыгы, укук коргоо органдарынын кызматкерлерине куралчан кол салгандыгы үчүн кылмыш жоопкерчилигине тартылган.

2011-жылы ага карата издөө жарыяланган. ИИМдин кызматкерлеринин маалыматына караганда, ал Дубайда жана Орусиянын аймагында жашынып жүргөн.

Учурда кылмышкерди убактылуу кармоочу жайга алып келишкен.

URL: http://www.vb.kg/kabarordo/222641

 Комментарийлер:
 

Биздин сайтта:
-сөгүнгөнгө
-бирөөнү мазактап, шылдыңдаганга, анын ичинде комментаторлордун дарегине
-ачык жана көмүскөдө коркутуп-үркүтүп, “сүйлөшкөнү чыккын” дегенге
-далилсиз жана күбөлөрдүн көрсөтмөсүз компроматтарды чыгарууга
-КРдын мыйзамдарына карама-каршы келген комментарийлирди жазууга
-транслитте жазылган комментарийлерди чыгарууга
-комментарийлерди чоң тамга менен баса белгилөөгө
-улут жана динге байланыштуу мазактоо, шылдың ирээтиндеги комментарийлерди жазууга болбойт.