"Кумтөрдүн" жамааты келишимди денонсация кылбоону маморгандардан өтүндү

  29.04.13   15:37
 289

"Кумтор оперейтинг компани" алтын кенинин жамааты "Кумтөр" маселесин саясатташтырбоо жана кендеги үзгүлтүксүз жумушту камсыз кылуу талабы менен мамлекеттик органдарга кайрылуу жөнөттү. Бул тууралуу бүгүн, 29-апрелде, Кыргызстандын тоо-металлургия кесиптик бирикмеси кабарлады.

Алардын билдирүүсүнө таянсак, учурда "Кумтөр" өлкөдөгү жалгыз ишке ашып жаткан маанилүү инвестициялык долбоор болуп саналат. "1990-жылдардын ортосунан тарта иштеген компания республиканын экономикасына сезилерлик салым кошуусун жылдан-жылга көбөйтүп келет, ал өлкөнүн Ички дүң өндүрүмүнүн 10 пайызын, өнөр жай продукциясынын көлөмүнүн 40 пайызын, мамлекеттин баардык салык түшүмдөрүнүн 20 пайыздан ашыгы менен экспорттун 50 пайыздан ашыгын камсыздайт",- деп айтылат кайрылууда.

"Кумтор оперейтинг компани" компаниясынын кесиптер бирикмеси комитетинин төрагасы Алмазбек Жакыповдун маалыматына таянсак, жыл сайын өлкө бюджетине "Кумтөрдөн" 7-8 млрд сом түшөт. ""Кумтөр" кенде иштеген 4 миңден ашык жана тейлөөчү уюмдарда эмгектенген миңдеген адамдарды үзгүлтүксүз иш менен камсыздап келет",- дейт ал.

Жумушчулар белгиленгендей, кендеги өндүрүштү токтотуу өлкө бюджетинин таңкыстыгына алып келип, анын натыйжасында мамлекет милдеттүү төлөмдөрдү төлөй албай калышы мүмкүн. Бул өз кезегинде экономикалык туруксуздукту жана социалдык жарылууну пайда кылышы ыктымал.

Эмгек жамааты баардык маселелерди инвесторлор менен сүйлөшүү жолу аркылуу чечүү зарыл деп эсептешет.

URL: http://www.vb.kg/kabarordo/223337

 Комментарийлер:
 

Биздин сайтта:
-сөгүнгөнгө
-бирөөнү мазактап, шылдыңдаганга, анын ичинде комментаторлордун дарегине
-ачык жана көмүскөдө коркутуп-үркүтүп, “сүйлөшкөнү чыккын” дегенге
-далилсиз жана күбөлөрдүн көрсөтмөсүз компроматтарды чыгарууга
-КРдын мыйзамдарына карама-каршы келген комментарийлирди жазууга
-транслитте жазылган комментарийлерди чыгарууга
-комментарийлерди чоң тамга менен баса белгилөөгө
-улут жана динге байланыштуу мазактоо, шылдың ирээтиндеги комментарийлерди жазууга болбойт.