АКШнын Мамдепартаменти Путиндин Абхазияга сапарын айыптады

АКШ ошондой эле Москва Абхазия менен Түштүк Осетиянын көз карандысыздыгын таануу чечимин кайра карап чыгышы керектигин да белгиледи
  10.08.17   15:03
 49

Кошмо Штаттар Орусия президенти Владимир Путиндин эл аралык коомчулук тарабынан таанылбаган Абхазияга расмий сапар менен баруусун кескин айыптады. АКШнын Мамлекеттик департаментинин билдирүүсүндө Путиндин "Орусия тараптан оккупацияланган грузин аймагына" барышы 2008-жылкы Грузиядагы согуш боюнча Эл аралык Женева талкууларын бузганы жазылган.

Мамдепартамент Орусияны "Грузиянын аймактык бүтүндүгү менен эгемендүүлүгүн сыйлоого" жана аскерлерин 2008-жылкы согушка чейин турган аймактарга алып кетүүгө үндөдү. АКШ ошондой эле Москва Абхазия менен Түштүк Осетиянын көз карандысыздыгын таануу чечимин кайра карап чыгышы керектигин да белгиледи.

"Беш күндүк согуш" деп аталган 2008-жылдын 8-августунда башталган орус-грузин согушунда Грузия 412 жаранын жоготуп, Орусиянын 67 аскери мерт болгон. Согуштан кийин Түштүк Осетия өзүнүн көз карандысыздыгын жарыялаган. Аны Орусиядан тышкары үч өлкө Никарагуа, Венесуэла жана Науру тааныган. Тбилиси, ошондой эле батыш өлкөлөрү ал аймакты Грузиянын бир бөлүгү катары эсептешет.

URL: http://www.vb.kg/kabarordo/276302

 Комментарийлер:
 

Биздин сайтта:
-сөгүнгөнгө
-бирөөнү мазактап, шылдыңдаганга, анын ичинде комментаторлордун дарегине
-ачык жана көмүскөдө коркутуп-үркүтүп, “сүйлөшкөнү чыккын” дегенге
-далилсиз жана күбөлөрдүн көрсөтмөсүз компроматтарды чыгарууга
-КРдын мыйзамдарына карама-каршы келген комментарийлирди жазууга
-транслитте жазылган комментарийлерди чыгарууга
-комментарийлерди чоң тамга менен баса белгилөөгө
-улут жана динге байланыштуу мазактоо, шылдың ирээтиндеги комментарийлерди жазууга болбойт.