Сууга агып кеткен 5 жаштагы баланын денеси табылды

Сууга агып кеткен 5 жаштагы баланын денеси бүгүн, 19-апрелде саат 12:25те Чүй дарясынан табылды. Бул тууралуу ӨКМдин басма сөз кызматы билдирди.

Суучулдар баланын денесин Чүй дарыясынын Бирдик жана Гроздь айылдарынын ортосундагы тилкесинен, тактап айтканда ал чөгүп кеткен жерден 12-13 км төмөндөн алып чыгышты.

Баланын денесин ӨКМдин суучулдары табышкан кезде, анын ата-энеси ӨКМ кызматкерлеринин жанында болушкан.

Эске салсак, беш жаштагы Барсбек 11-апрель күнү саат 18:25 чамасында Константиновка айылындагы Ат-Башы каналынын жээгинде ойноп атып, сууга агып кеткен.

VB.KG редакциясы баланын ата-энесине жана туугандарына көңүл айтат.


Сообщи свою новость:     Telegram    Whatsapp

НАВЕРХ  
НАЗАД