Кыргыз Республикасынын президенти Садыр Жапаров Түркиянын TRT Avaz телеканалына кечээ, 7-майда маек берип жатып, ар кандай жол менен COVID-19 кризисинен чыгып кетүү жолун издеп жатканын билдирди.
"Быйыл ар кандай жол менен ушул COVID-19 кризисинен чыгып кетүү жолун издеп жатабыз. Ар кандай жолдорду анын ичинде, элдик дарыгерлердин методдорун колдонуу жолу менен быйыл былтыркыдай "паника" болбой, кризиске кабылбай жылма чыгып баратабыз деп ойлоймун",- деди өлкө башчы өз сөзүндө.
Мындан тышкары, президент Садыр Жапаров пандемия күч алганда биринчилерден болуп, жардам колун сунган түрк элине өзүнүн жана жалпы кыргыз элинин атынан ыраазычылыгын билдирди.