Т.Узакбаев менен А.Баатырбеков УКМКнын тергөө абагынан бошотулду
Жогорку Кеңештин мурдагы депутаттары Талантбек Узакбаев менен Алмазбек Баатырбеков УКМКнын тергөө абагынан бошотулду. Алар буга чейин "Кумтөр" иши боюнча камакка алынып, аларга коррупция боюнча айып тагылган. Бул тууралуу Kaktus.media коопсуздук органдарынын кызматкерлерине таянып билдирди.
Алардын айтымында, бүгүн, 17-июнда Баатырбеков менен Узакбаев УКМКнын тергөө кызматы менен кызматташуу боюнча келишимге кол коюшту. Буга байланыштуу алардын баш коргоо чарасы түрмөгө кесүүгө байланыштуу эмес деп өзгөртүлдү.
Алдын ала маалыматтар боюнча, тергөө менен түзүлгөн келишимден тышкары, Жогорку Кеңештин эки мурунку депутаты мамлекеттик бюджетке ондогон миллион сом төлөп берген.
Эске сала кетсек, 2-июнда Жогорку Кеңештин мурдагы депутаттары Талантбек Узакбаев менен Алмазбек Баатырбековду Бишкек шаарынын Биринчи Май райондук сотуна алып келишип, сот тарабынан эки айга камакка алынган.
