Таласта Төрөкул Жанузаковдун жаркын элесине арналган иш-чара өтөт
26-июлда Талас районунун Талды-Булак айылынын Төрөгелди Максүт уулу атындагы ат майданында Кыргыз мамлекеттүүлүгүнүн түптөлүшүнө чоң салым кошкон мамлекеттик жана коомдук ишмер Төрөкул Жанузаковдун элесине арналган иш-чара өтөт.
Иш-чарада маданий оюн-зооктор жана ат оюндары уюштурулат.
Төрөкул Жанузаков 1893-жылы Таластын Талды-Суу айылында туулган. Ал Меркендеги орус-тузем мектепти мыкты аяктаган жана 1909-жылы Туркестан генерал-губернаторунун жардамчысы жана котормочусу болуп дайындалган. Октябрь революциясын колдоп, жаңы бийлик үчүн күрөшүп, Туркестан АССРинин Борбордук аткаруу комитетинин төрагасынын орун басары болуп кызмат кылган.
Ал 1916-жылдагы көтөрүлүштүн катышуучуларына жана качкындарга жардам берүү боюнча комиссияны түзүп, анын ишин жетектеген. 1920-жылы Бакудагы Чыгыш элдеринин конгрессинде туркестандык делегацияны жетектеп, улуттук боштондук үчүн күрөштө алдыңкы сапта болгон.
Төрөкул Жанузаков 1921-жылы согушта каза болуп, кыргыз элинин улуу патриоту катары тарыхта калган. Анын өмүрү кыргыз элинин эркиндиги жана билим алуусу үчүн арналып, улуттук азчылык кыймылына чоң салым кошкон.
