Талибандар Тажикстан менен чектеш аймакты басып алды
Афганистандын Кундуз провинциясындагы Тажикстандын Хатлон облусунун Пянж району менен чектешкен Имам Сахиб аймагын Талибан басып алды. Бул тууралуу "Азия-Плюс" билдирди.
Маалыматка ылайык, Талибан согушкерлери аймакты басып алышып, учурда Кундуз шаарын курчоодо.
Имам Сахиб аймагын басып алып, Талибан Шерхан Бандарга, Тажикстан менен чектешкен чек ара айылына жана дарыя портуна жакын болуп калгандыгы белгиленди. Ал Имам Сахибдин батыш тарабында, Пянж дарыясынын түштүк жээгинде, тажик чек арасынын Нижний Пянж айылына карама-каршы жайгашкан.
Афганистанда акыркы бир нече айдын ичинде көптөгөн аймактар Талибандын колуна өттү. Акыркы эки-үч күндө эле бул мамлекеттеги өкмөттүк күчтөр 15 районду таштап кетүүгө аргасыз болушкан.
Мындан тышкары, Тахор аймагынын Тажикстан менен чектеш 8 районун буга чейин талиб боевиктери басып алышкан. Афганистандын Tolonews телеканалынын билдиргенине караганда, акыркы бир күндө Талибан Чол, Намакоб, Янгикала, Ходжагор, Хожабаховаддин, Даркад, Дашти Калъа, Хазорсамуч, Кундуз болодогу Дашти Арчи, Даранг Самуи, Балхтагы Чахорбулак, Джузвжондогу Мангажик жана Хонакох, Нимруздагы Хошруд жана Лугардагы Харвор.
2021-жылдын 1-майында АКШ баштаган чет элдик аскерлер Ооганстандан чыгып кете баштагандан кийин талип согушкерлери өкмөттүк күчтөргө каршы айыгышкан күрөштү улантууда.
