Жеңишгүл Өзүбекова: Кыргыз телесериалы коңшу өлкөлөрдөн бир топ жыл артта
"Кыргыз телесериалы башка өлкөлөрдөн бир топ жыл артта калды" дейт белгилүү акын, драматург, кыргыз телесериалынын түптөөчүсү Жеңишгүл Өзүбекова.
"Сериал менен көп нерсени элге жеткирсе болот. Бирок биз бул тарабынан коңшулаш эле өлкөлөрдөн бир топ жыл артта калдык. Азыр көпчүлүк түрктөрдүн, корейлердин, орустардын сериалдарын көрүшөт. Эмнеге бизде дагы ошондой сериалдарды тартканга болбосун? Биздин мамлекет да бул нерсеге көңүл буруп, башка өлкөлөрдөй каражат бөлүнсө, биз дагы бир топ алдыга кетмекпиз. Биз "Чиркин өмүр, "Апамдын махабаты", "Тор", "Издейм сени", "Кара жолтой" телесериалдарын тарттык. Кийин ортодо бир топ жыл тыныгуу болуп калды. Эми, буюрса, кайрадан өзүбүз аракет кылып "Жалбыз" деген сериал тартып, 1-сезонду аяктап калдык. Сентябрь айында көрүүчүлөргө тартуулайбыз деп белсенип турабыз", - дейт Өзүбекова.
