Мыкты сценарийлердин негизинде Жусуп Абдрахманов тууралуу тасма тартылат
Жусуп Абдрахманов жөнүндө көркөм фильм мыкты сценарийлердин негизинде тартылат.
Кыргыз Республикасынын Маданият, маалымат, спорт жана жаштар саясаты министрлигинин алдындагы Кинематография департаменти Жусуп Абрахмановго арналган көркөм фильмдин сценарийин түзүү боюнча сынак жарыялады.
Быйыл Жусуп Абдрахмановдун 120 жылдыгы белгиленет . Бул иш-чаралар Кыргызстанда гана эмес, чет өлкөлөрдө дагы өткөрүлөт.
Департамент жарыялаган сынактын максаты - жаш муундарда патриоттук сезимди ойготуу, маданий баалуулуктарды жайылтуу.
Чыгармачыл сынак эки этапта өтөт. Алгач сценарийлер кабыл алынат. Алар 15-октябрга чейин тапшырылышы керек. Экинчи этапта жеңүүчү аныкталат жана жарыяланат. Атайын комиссия абитуриенттердин ишин карайт.
Чыгармачыл сынакка катышууну каалагандар арызын, сценарийин жана резюмесин тапшырышы керек. Сценарийдин өзү оригиналдуу, сюжеттин логикалык өнүгүүсү менен болушу керек. Бул адабий чыгармада согушту, зордук-зомбулукту, ырайымсыздыкты, улуттук, диний кастыкты козутуу, конституциялык түзүлүштү күч менен өзгөртүүгө чакырууга үгүттөөгө таптакыр жол берилбейт.
Конкурска берилген материалдар мамлекеттик жана расмий тилде кабыл алынат. Алар беш нускада жана катышуучунун фамилиясы, аты, атасынын аты, анын электрондук почтасынын дареги жана телефону "Жусуп Абдрахманов. Сценарийлер конкурсу" белгиси коюлган мөөр түрүндө көрсөтүлгөн электрондук түрдө берилиши керек. Бишкек шаары, Логвиненко көчөсү 13 дареги боюнча Кинематография департаментине тапшырылат.
Маданият министрлиги жеңүүчү үчүн байге фондун бөлүп берет. Жусуп Абдрахманов жөнүндө тасма сынакка катышкан мыкты сценарийлердин негизинде тартылат.
