Ош шаарында таза суу өчүрүлдү

Папан суу сактагычына сел суулары агып, Ак-Буура дарыясындагы суу ылайлангандыктан Ош шаарынын бир бөлүгүндө таза суу убактылуу өчүрүлдү. Бул тууралуу Ош шаарынын мэриясынан билдиришти.

Түштүк-Чыгыш, ХБК, Туран кичи райондору жана Достук, Калинин конуштарында таза суу өчүрүлгөн эмес.

Маалымат алуу үчүн 105, 8-11-15, 8-11-51, 0553 200 105, 0225 105 105, 0999 105 105 номерлерине кайрылууга болот.

Суу ташуучу унаалар менен таза суу жеткиртүү үчүн 03222 5-04-16 номерине билдирүү калтырса болот.

Белгилей кетсек, Ош шаарында жамгыр жаагандан кийин таза суунун өчүрүлүшү дайым болуп турчу көрүнүш. Бул маселе шаар тургундарына ыңгайсыздык жаратып, көп жылдан бери чечилбей келе жатат.