Кыргыз волейболчулары Борбор Азия чемпионатына катышат

Кыргызстандын волейбол боюнча курама командасы Борбор Азия өлкөлөрүнүн биринчилигине катышат.

Мелдеш 17-августтан 22-августка чейин Өзбекстандын Фергана шаарында өтөт. Ага 4 мамлекеттин курама командасы катышат.

Алгач командалар бири-бири менен беттешип, жарым финалда ойной турган жуптарды аныкташат. Жарым финалдын жеңүүчүлөрү финалда ойношот.

Финалдык жана 3-орун үчүн беттештер 22-августта болот.

Кыргызстандын курама командасы аталган мелдештин учурдагы чемпиону.

Катышуучулар:

- Кыргызстан,

- Өзбекстан,

- Казакстан,

- Тажикстан.