КТРКга жыл сайын республикалык бюджеттен 371 миллион сом түшөт
КТРКнын курамында 760 адам бар. Бул тууралуу телеканалдын башкы директору Бактияр Алиев парламент жыйынында билдирди.
Анын айтымында, кызматкерлер алты телеканалда, үч радиостанцияда жана корпорациянын сайтында иштешет. Телеканал жыл сайын мамлекеттик казынадан 371 миллион сом алат. Телеканалдын башчысы 2020 -жылы эфир убактысын берүү жана жүгүртмө сап коюу аркылуу корпорация 2 миллион 900 миң сом, ал эми контентти жайгаштыруу үчүн 723 миң киреше тапкан деп жооп берди.
"Мен 371 миллион сом жетишсиз деп эсептейм, анткени корпорацияда алты телеканал бар. КТРК бардык социалдык жүктү өзүнө алат. Бюджетти биринчи кезекте Байкоочу кеңеш, андан кийин Каржы министрлиги жана Жогорку Кеңеш бекитет. 2020 -жылдагы парламенттик шайлоодон кийин КТРК 41 миллион сом, жарнактан - 38 миллион сом, жабдууларды жана жайларды ижарага берүүдөн - 1 миллион 7 миң сом, контентти жайгаштыруу - 723 миң сом, гранттар жана демөөрчүлөр - 3 миллион 549 миң сом киреше тапкан ", - деди Бактияр Алиев.
