Бишкекке 210 жаңы автобус келди
Ушул жылдын 11-сентябрында, Ала-Тоо аянтында жаңы автобустардын презентациясы болуп өттү. Бул жолу экологияга зыян келтирбеген газ менен иштеген 210 автобус Бишкекке алынып келинди. Бул тууралуу борбор калаанын мэриясынын басма сөз кызматы билдирди.
Ошол замат башкы аянттан экологиялык таза, кенен жана таза автобустар маршруттар боюнча жөнөп кетишти.
"Бүгүнкү күндө муниципалитет акырындык менен транспорт маселелерин чечип, түтүнгө каршы чараларды көрүүдө.
Эске салсак, шаарды коомдук транспорт менен камсыздоо үчүн муниципалитет конкурстун алдында аутсорсинг үчүн муниципалдык каттамдарды берүү боюнча чараларды көргөн.
Биз "Эко Пассажир Транспорт" ЖЧКсы менен ушул жылдын аягына чейин "SamAvto" ЖЧКсы (Өзбекстан) тарабынан чыгарылган Япониянын ISUZU автобустарын 350 бирдикке жеткирүү боюнча Кызматташтык келишимине кол койдук.
Келечекте өнөктөш 2022-2023-жылдары түзүлгөн келишимдик мамилелерди эске алуу менен, газ кыймылдаткычында иштеген автобустардын санын, анын ичинде 9, 10 жана 12 метрлик автобустарды 1 миң даанага чейин көбөйтүүгө милдеттенет.
Бул компания ата мекендик, бул долбоорго өз каражаттарын салган. Ошентип, 1 миңге жакын адамды жумуш менен камсыз кылуу.
"Эко Пассажир Транспорт" ЖЧКсы муниципалдык ташуучу эмес экендигине карабастан, өнөктөшү менен 10 сомдук төлөмдү талап кылган дизелдик кыймылдаткычы бар кичи автобустардан айырмаланып, 8 сомдук жол кирени төлөө боюнча келишим түзүлгөн. Бул тууралуу мэриянын билдирүүсүндө айтылат.
