Калифорниядагы кол салуудан жети адам каза тапты
Калифорниянын Сан-Хосе шаарындагы темир жол станциясында 26-майдагы куралдуу кол салууда сегиз киши мерт болду.
CBS телеканалы эртең мененки жыйынга чогулган темир жол жумушчулары бутага алынганын кабарлады.
Ок атууга чейин жергиликтүү транспорт башкармалыгында иштегендердин биринде өрт чыккан.
"Лос-Анджелес таймс" басылмасы кол салган адам кылмышка барардан мурун адегенде үйүн өрттөгөн болушу мүмкүндүгүн жазды. Полиция ушул жоромолду иликтеп жатат, бирок тастыктай элек.
BBC радиосу күч түзүмдөрүнүн маалыматына таянып, кол салган киши 57 жаштагы Сэмюэл Кэссиди экенин, өзү да ошол жерде иштегенин жазды. Ал өзүнө кол салардан мурун тапанчадан башкаларды аткан.
Окуя эртең менен болгондуктан, коомдук транспорт токтоп калды.
Статистикалык маалыматтарга караганда, бул жылы АКШда 12 миң адам октон жабыркап, 150 миңдейи көз жумду. Былтыр 43 жарым миң адам жабыркап, 610 киши өлгөн.
