Динара Чокотаева: "Мен өзүмдү дүйнөгө жар салгым келет"

- Графикалык композициялардагы каармандарымдын кайгылуу, муңайым көздөрү - бул менин ички абалым, тажрыйбам, маанайым. Жашоомдун эң оор мезгилинде мен колум менен жараткан нерселерим менен өзүмдү сактап калдым. 6- жыл мурун мен эң жакын адамдарымды, апамды жана эжемди жоготтум. Менде бир нерсе өчүп калды, баардык нерсе түсүн жоготту, жан-дүйномдүн тынчтыгын графикадан таба баштадым. Тынымсыз сүрөт жазып баштадым, апам менен эжемдин элесин түбөлүккө калтыргым келди. Кайгыдан кара чачым кыска убакыттын ичинде агарды. Мен күзгүгө карасам, мени таптакыр башка адам карап турган. Көптөгөн ички оор кайгыны баштан өткөрүүдөн кийин мен өзүмдү кабыл алууну чечтим. Мен өзүмдүн жана чыгармачылыгымды баалагандардын астында чынчыл болууну чечтим.

Динара Чокатаева - Кыргыз Республикасынын Т.Садыков атындагы улуттук искусство академиясынын өнөр жай графикасы кафедрасынын ага окутуучусу. Т.Садыков атындагы Кыргыз Республикасынын көркөм академиясын бүтүрүп, график адистигин алган. "Биз таңдаган дүйнө", "Бакчадагы баламын" ырлар жыйнактарында иллюстратор болуп иштеген, балдар басылмасы: "Кыргыз эл жомоктору" украин тилинде ж.б. "BIR DUINO" даректүү тасмалардын эл аралык фестивалы Кыргызстан, "Шериктештик Дебюттары" эл аралык сыйлыгынын лауреаты. Искусство жаатындагы олуттуу жетишкендиктери үчүн Кыргыз Республикасынын "Жыл адамы" атайын сыйлыгы менен сыйланган.

Графикти жаңылантуу

-Музыкадан шыктанам, дайыма сүйүктүү артисттеримдин ыры менен иштейм. Мен ар кандай музыкаларды угам, бул дүйнөлүк классика же биздин эски кыргыз ырлары болушу мүмкүн. Графика кагазда гана эмес, биз күнүмдүк жашоодо колдонгон нерселерде да жашай алат. Сиз менин сүрөтөрүмдү жоолук, футболка, идиш ж.б. буюмдарда көрө аласыз. Мен баалуу кездемелер менен иштегим келет, ошондуктан мен жоолук жасоо үчүн жибекти тандадым. Мен дайыма эксперимент жасайм, мисалы, акыркы чыгармаларда Жолон Мамытовдун "Издейм сени" ырларынын үзүндүлөрүн көрө аласыз. Мен эскизди түзгөндө, ал кагазга же кездемедеби жакшы көрүнгөнүн сезем.

Сулуулук каражат талап кылат

Мен төшөнчү топтомунун дизайинин иштеп чыккам. Бирок бир нусканы чыгаруу 300 доллар турат, бул албетте кымбат. Идеялар көп, бирок аларды ишке ашыруу үчүн бир топ финансылык каражаттар керек.

Мени балдар китептеринин иллюстратору болуп иштөөгө чакырышат. Мен китептер менен иштегенди абдан жакшы көрөм. Мисалы, 2019 -жылы украин тилинде кыргыз эл жомокторунун жыйнагынын үстүндө иштөө сунушу түшкөн. Бул абдан кызыктуу долбоор болду. Менин эмгегим үчүн Кыргыз Республикасынын Украинадагы элчилигинин ыраазычылык каты менен сыйландым. Мен кичинекей окурмандар үчүн да Кыргызстанда ушундай китептерди чыгарышын абдан каалайт элем. Ошондой эле, мен интерьер дизайны менен алектенем, менин жумуштарым Борбордук Азиядагы Америка университетинде, жеке мейманканаларда ж.б.бар.

Апамдын жоолугу

Эң баалуу нерсе - адам өмүрү. Апамдын эски жоолугун этияттык менен сактайм. Мен дайыма жыттап турам. Бул жыт менен байланышкан көптөгөн эскерүүлөр эске түшөт кубанычтуу да, кайгылуу да. Жакындарыңыздын жаныңызда болгонун баалай билиңиз.

Ачуу жана пайдалуу сабак

2004 -жылы Ошто түштүк борбордун желегин жасоо боюнча сынак жарыяланган, мен да катышууну чечтим жана менин эмгегим эң жакшы деп табылды. Ошол учурда мен өзүм менен абдан сыймыктандым. Бирок 2010 -жылы, кезектеги революциядан кийин, эмнегедир шаардык бийлик желектин түсүн жана айрым деталдарды өзгөртүү чечимин кабыл алып, туунун автору башка адам болуп калган. Бул окуядан кийин мен автордук укук маселесине өтө кылдат мамиле кылам. Азыр мен дароо эмгектеримди патенттөөгө аракет кылам.

Леонардо да Винчинин мекенинде

Сүрөтчү өткөнго кайрылса, азыркыга жана келечекке жетеленет. Алардын бардыгы бири -бири менен байланышкан: өткөнсүз азыркы учур жана келечек болушу мүмкүн эмес. Эгерде чет өлкөдө иштөө мүмкүнчүлүгү болсо, анда мен Италияны тандамакмын, анткени ал көркөм өнөрүдүн мекени деп бекеринен айтылган эмес.

Бүгүн мен бактылуу аялмын

Бүгүн мен өзүмдү бактылуу адам деп айта алам, анткени аял, инсан катары калыптандым жана өз кесибимде көрүнүктүү жетишкендиктер бар. Мен дайым изденүүдөмүн, көрөрманмандарды таң калтыргым келет ошондо эмгек бааланат. Мен чыгармаларым дүйнөлүк бренд болушун каалайт элем, - дейт Динара Чокотаева.