Москва полициясына алкыш!
Шаардык транспорт полициясынын кызматкерлери Москва дарыясына чөгүп бара жаткан аялды куткарып калышты. Ал Кыргызстандын 39 жаштагы жараны болуп чыкты.
Россия Федерациясынын Ички иштер министрлигинин Транспорт департаментинин Борбордук федералдык округ боюнча маалыматы боюнча, ИИМдин суу транспорту боюнча линиялык башкармалыгынын эки кызматкери Москва дарыясынын суусун коргоочу кызматтык кайыкта мыйзам жана тартипди кайтарышкан.
Лужнецкий метро көпүрөсүнүн астындагы Лужники стадионунун аймагында алар чөгүп бара жаткан адамды көрүп, кемени окуя болгон жерге жөнөтүшкөн. Көрсө, суунун бетинде акыркы күчү менен карманып турган бир аял бар экен.
Жакыныраак келгенде, полиция чөгүп бараткан аялга куткаруучу тегерети ыргытып, атайын кайык илгичинин жардамы менен аны кайыкка чыгарышкан.
Ошол замат биринчи жардамды көрсөткөн транспорттук полиция тез жардамды чакырып, андан кийин жабырлануучуну жакынкы пирске келген дарыгерлерге тапшырган. Аял ооруканага жеткирилген.
Кийинчерээк Лужнецкий көпүрөсүнүн жанындагы жээктен документтери жана жабырлануучунун жеке буюмдары салынган баштык табылган. Көрсө, ал Кыргызстандан келген экен.
Чөгүп бараткан аялды куткарган транспорттук милиция кызматкерлерине ведомстволук сыйлыктар тапшырылды, деп билдирет башкармалык.
