Бишкекте 500 миң сомго бодо мал уурдаган алдамчы кармалды

Бишкекте алдамчылыкка шектелген жаран кармалды. Бул тууралуу Чүй облустук ички иштер башкы башкармалыгынын басма сөз кызматы билдирди.

Маалым болгондой, Сокулук РИИБге жергиликтүү тургуну 30 жаштагы М.А., Д.Н.га карата чара көрүүнү суранып кайрылган. Ушул жылдын март айында алдоо жолу менен ишенимге кирип, андан жалпы суммасы 500 000 сомду түзгөн 10 бодо малын алып, качып кеткен.

Бул факты Сокулук районунун Ички иштер башкармалыгынын АИС ЕРПП катталган. Кыргыз Республикасынын Кылмыш -жаза кодексинин 204 (Алдамчылык). Сотко чейинки өндүрүш иштери башталды. Кийинчерээк Сокулук райондук соту Д.Н. камакка алуу түрүндөгү баш коргоо чарасы сыртынан тандалып алынган жана ал издөөгө алынган.

Бир күн мурун Чүй облусунун ички иштер башкы башкармалыгынын криминалдык милиция кызматынын жана Сокулук районунун ички иштер башкармалыгынын кызматкерлери тарабынан Бишкек шаарынын аймагында ыкчам-издөө иш-чараларын жүргүзүү учурунда 32 жаштагы Д.Н. кармалган.

Учурда милиция кызматкерлери дагы ушул сыяктуу дагы төрт факты боюнча анын катыштыгын текшерип жатышат. Сотко чейинки өндүрүш иштери уланууда.