"Бюджеттен бир дагы тыйын сарпталган жок". ИИМдин имараты оңдолуп жатат

Ички иштер министрлигинин имараты жергиликтүү ишкерлердин каржылоосу менен оңдолуп жатат.

Министрликтин маалыматына караганда, имарат 1974-жылдан бери оңдоп-түзөлө элек.

"Учурда капиталдык оңдоп-түзөө жана реконструкция иштери аткарылып жатат. Бюджеттен бир дагы тыйын сарпталган жок. Жергиликтүү ишкерлер ремонт жасоо демилгесин өздөрү көтөрүп, жумушчу күч тартышты", - дешти ИИМден.

ИИМ режимдик объект болгондуктан курулуш жана реконструкция иштери толугу менен министрликтин Финансы-чарбалык камсыздоо башкармалыгы тарабынан көзөмөлдөнүп жатат.


Сообщи свою новость:     Telegram    Whatsapp

НАВЕРХ  
НАЗАД