Жеңүүчүлөрдүн ысымы Айсулуу, Айпери, Аймээрим үч эмге ыйгарылды
Биздин чыгармачыл топ Ослодо (Норвегия) өткөн күрөш боюнча дүйнө чемпиондугунун жеңүүчүлөрү Айсулуу Тыныбекова, Медет кызы Айпери жана Мээрим Жуманазаровалардын ысымдары берилген үч эм төрөлгөн Бишкек шаардык No4 төрөт үйүндө болду. Ымыркайлар 5 -октябрда 2 кг.170 гр, 2 кг.160 гр, 1 кг.870 гр салмакта кесарево жолу менен төрөлгөн. Жаңы төрөлгөн ымыркайлардын апасы Бермет Дубашеванын айтымында, ал төрөттөн кийин өзүн жакшы сезип жатат, кыздар кош бойлуулуктун 36 -жумасында төрөлгөн. Үч эмден тышкары Бермет күйөөсү менен бирге жети жаштагы кызын жана төрт жашар уулун тарбиялайт. Декреттик өргүүгө чейин 30 жаштагы Бермет мектепте кытай тилинен сабак берчүү. 17 -жумада кош бойлуу аял үч эмди күтүп жатканын билген. Үч эмдер Айсулуу Тыныбеков Дүйнө чемпиондугунда жеңишке жетип, андан кийин Медет кызы Айпери менен Мээрим Жуманазарованын жеңүүчү таймаштары болуп өткөндө төрөлгөн. Андан кийин ата –эненин туугандары үч эмге жеңүүчүлөрдүн урматына ысымдарын берүүнү чечишти. Кыздардын аттары окшош болушу үчүн башында Мээримдин атынын башына Ай кошулган. Бермет күйөөсү менен батирде турушат, күйөөсү азыр кененирээк батир издеп жатат.
