
Кыргызстандык спортчу Эрназар Акматалиев Сербияда өтүп жаткан 23 жашка чейинкилер арасындагы Дүйнө чемпионатында эркин күрөш боюнча алтын байгени утту. Бул тууралуу United World Wrestling уюмунун сайтында айтылат.
Мелдеш 1-7-ноябрда Белград шаарында өтүүдө.
Акматалиев 70 кг салмакта чемпионаттын 1/8 финалында грециялык Христос Христофоридисти, чейрек финалда ирандык Али Акбар Али Аскарды, жарым финалда азербайжандык Мурад Евлоевди утуп финалга чыкты.
Финалда балбаныбыз армениялык балбан Вазген Теванянды 10:2 эсебинде жеңип, жеңүүчү аталды.