Борбор калаанын бир районунун аймагында газ өчүрүлөт
15-ноябрдан 18-ноябрга чейин борбордун бир районунда газ убактылуу өчүрүлөт. Бул тууралуу Бишкек мэриясынын басма сөз кызматы билдирди.
"Урматтуу шаардыктар! "Газпром Кыргызстан" ЖЧКсынын Бишкек шаарындагы филиалынын маалыматы боюнча, 2021-жылдын 15-ноябрынан 18-ноябрына чейин Биринчи май районунун айрым көчөлөрүндө газ убактылуу болбойт.
Өчүрүү аймагы Махатма Ганди көчөсү, Ала-Арча дарыясы, Жапаров көчөсү, ЧЧК чектелген. 382 абонент убактылуу көгүлтүр отунсуз калат.
"Көлмө" конушундагы Жаштык көчөсүн бойлой жайгашкан жер үстүндөгү газ түтүгүнүн бир бөлүгүнүн кесилишине байланыштуу өчүрүлөт.
Ал эми 2021-жылдын 16-ноябрынан 18-ноябрына чейин Ленская көчөсү №50 дарегиндеги жер үстүндөгү газ түтүгүнүн бир бөлүгүн кесип салууга байланыштуу, Ю.Фучик, Ленская көчөлөрү жана Сергей Лазо чолок көчөсү менен чектелген аймактагы 20 абонент убактылуу көгүлтүр отунсуз калат", - деп айтылат маалыматта.
"Бишкекгаз" келтирилген ыңгайсыздык үчүн кечирим сурайт.
