Соңку суткада Бишкекте 95 адамдан коронавирус тастыкталды

Өткөн суткада Бишкек шаарында 95 адамдан коронавирус аныкталды, деп билдирди бүгүн, 31-майда борбор калаанын Мамлекеттик санитардык-эпидемиологиялык көзөмөлдөө борборунун жетекчисинин орун басары Айнагүл Рыскулбекова.

Анын айтымында, 86 учур лабораториялык жактан, 9 учур клиникалык-эпидемиологиялык жактан тастыкталды.

95 адамдын ичинен 81 киши Бишкек шаарынын тургундары. Калган 14 киши башка аймактардан келишкен.

Акыркы суткада Бишкек шаарында катталган бейтаптар:

- Свердлов районунда - 31;

- Биринчи май районунда - 19;

- Ленин районунда - 18;

- Октябрь районунда - 13;

- башка аймактан келгендер - 14.

95 адамдын ичинен 20 киши ооруканаларга жаткырылды. Калган 75 адам үйдө дарыланууда.