Абактарда шахмат спортун өнүктүрүү маселелери талкууланды

Бүгүн Кыргыз Республикасынын Юстиция министрлигине караштуу ЖАКнын төрагасы, генерал-майор А.Эгембердиев ФИДЕ эл аралык шахмат федерациясынын делегациясы менен жолугушуп, анын жүрүшүндө пенитенциардык тутумда шахмат оюндарын өнүктүрүү маселелери талкууланды. Бул тууралуу ЖАМКнын басма сөз кызматы билдирди.

Маалыматка ылайык, делегацияны ФИДЕ президентинин кеңешчиси Берик Балгабаев, башкаруучу директор Дана Рейзниеце-Озола, Азия шахмат федерациясынын башкы катчысы Хишам Аль-Тахер, Кыргыз шахмат федерациясынын президенти Талант Токтобекович Мамытов катышты.

Мындан тышкары, жолугушуунун жүрүшүндө тараптар өлкөнүн жаза өтөө тармагында кыз-келиндер шахматын өнүктүрүү, келечекте аялдардын эл аралык турнирге катышуусун талкуулашты. Жыйындын катышуучулары келечекте ФИДЕнин "Түзөтүү мекемелеринде шахмат" жана "Аялдардын шахматы" программаларын ишке ашырууга өзгөчө көңүл буруларын белгилешти. No2 аялдар түзөтүү мекемесине федерациянын атынан шахмат тапшырылды.

Жыйындын алкагында КР Юстиция министрлигине караштуу ЖАТнун төрагасы генерал-майор А.Эгембердиев ФИДЕ эл аралык шахмат федерациясынын башкаруучу директору Дана Рейзниеце-Озола менен таймашып беттешүүдө тең чыкты.

Эл аралык шахмат федерациясынын ФИДЕнин социалдык блогу, мектептерде шахматты өнүктүрүү, майыптар, аялдар шахматы боюнча жооптуу Дана Рейзниеце-Озола акыркы беттешүү эки тарапта тең чоң кызыгууну жаратканын белгиледи. Бул беттештин өзгөчөлүгү аны онлайн ойносо болот. Бул оюнчулар жана уюштуруучулар үчүн бул спортту өнүктүрүү үчүн сонун мүмкүнчүлүк.

Жаза аткаруу системасында шахматты өнүктүрүү - эң сонун идея. Бул долбоорго чоң көңүл буруп, квалификациясын жогорулатуу, адистерди даярдоо зарыл. Шахмат - бул спорт, искусство жана так илим деди ЖАКнын төрагасы А.Эгембердиев.