Бишкектин Октябрь райондук пробация кеңешинин кезектеги отуруму болуп өттү
Кыргыз Республикасынын "Пробация жөнүндө" Мыйзамын ишке ашыруунун алкагында Бишкек шаарынын Октябрь администрациялык округу боюнча муниципалдык администрациясынын жыйындар залында Октябрь райондук пробация кеңешинин кезектеги отуруму болуп өттү. Бул тууралуу ЖАМКнын басма сөз кызматы билдирди.
Маалыматка караганда, отурумга Октябрь районунун тартылган аймактык органдарынын: муниципалдык администрациянын, социалдык өнүктүрүү башкармалыгынын, иш менен камсыз кылуу башкармалыгынын, , Социалдык фонддун жана Билим берүү борборунун өкүлдөрү катышты.
Жолугушуунун жүрүшүндө 2021-жылдын 1-декабрынан тартып кылмыш-жаза мыйзамдары жана Пробация мыйзамы боюнча күчүнө кирген жаңылыктар талкууланды. Пробация жөнүндө мыйзамдын жаңы редакциясынын негизинде Бишкек шаарынын мэриясынын Октябрь администрациялык округу боюнча муниципалдык башкармалыгынын башчысынын социалдык маселелер боюнча орун басары Арстанбекова Айнура Джанишовна Октябрь райондук прокуратурасынын Пробация кеңешинин төрагасы болуп дайындалды.
Райондук өкүл өз кезегинде куттуктоо сөз сүйлөп, Кеңештин мүчөлөрүнө жана чогулгандарга ыйгарылган жогорку кызмат үчүн ыраазычылык билдирип, Кеңештин иши коом үчүн өтө маанилүү экенин, ушуну менен токтоп калуу мүмкүн эместигин белгиледи. жетишилди, алдыда көп иштер турат.
Мындан тышкары, жыйында жаңыдан күчүнө кирген Кыргыз Республикасынын Кылмыш-жаза кодексинин коомдук жумуштарга тартуу түрүндөгү негизги жазалардын бири пробация органы тарабынан муниципалдык администрация менен бирдикте аткарыла тургандыгы каралды.
Чогулушка Октябрь районунун МТУсу чакырылган. Буга байланыштуу пробация органы тарабынан жаңы редакциядагы Кылмыш-жаза кодексине жана Жазык-аткаруу кодексине коомдук жумуштарга жазалоо жагындагы жаңылыктар сунушталды. Андан кийин жазаны аткаруунун тартиби эске алынып, пробация органынын аймактык муниципалдык администрация жана муниципалдык аймактык башкармалыктар менен өз ара аракеттенүүсү боюнча уюштуруу маселелери чечилди. Ошондой эле жыйындын жүрүшүндө Октябрь райондук пробация кеңешинин пробация жөнүндө мыйзамдардын аткарылышы, пробация органынын мамлекеттик органдар жана жергиликтүү өз алдынча башкаруу органдары менен 2022-жылга карата өз ара алакасы боюнча иш планы талкууланып, бекитилди.
Мындан тышкары, отурумда бир катар маселелер каралып, талкууланып, алар боюнча пробациянын кардарларын социалдык адаптациялоого жана социалдаштырууга көмөк көрсөтүү боюнча төмөнкү чечимдер кабыл алынды:
1. Пробациянын 2 кардары бекер кыска мөөнөттүү курстарга жолдомо алды;
2. Пробациянын 1 кардары ишке орношууга көмөк көрсөтүү үчүн иш менен камсыз кылуу бөлүмүнө жиберилди.
Жыйындын жыйынтыгында кабыл алынган чечимдерди өз мөөнөтүндө аткаруу боюнча Октябрь районунун тиешелүү аймактык органдарына тапшырмалар берилди.
