Бишкекте бир жумада мас абалда унаа башкарган 93 айдоочу кармалды
Милициянын кайгуул кызматкерлери тарабынан бир жуманын ичинде 4226 жол эрежелерин бузуу фактылары аныкталды. Бул тууралуу Милициянын кайгуул кызматынын басма сөз кызматы билдирди.
Маалыматка караганда, 2021-жылдын 24-декабрынан тартып, 30-декабрына чейин, Бишкек шаарынын аймагында Бишкек ШИИББгы боюнча милициянын кайгуул кызматкерлери тарабынан 4226 жол эрежелерин бузуу фактылары аныкталды.
Алардын ичинен:
-Мас абалында авто унаа башкаруу -93 айдоочу;
-Авто унаанын алдыңкы жана каптал терезелерин караңгылатып айдоо -11;
-Айдоочулук кубөлүгү жок авто унаа башкаруу 38;
-Жасалма номур менен авто унаа айдоо -1;
-Жөө жүргүнчүлөр жана велосипедчендер катышкан жол эрежелерин бузуулар 108;
-Башка жол эрежелерин бузуулар 3973;
269 авто унаа ар кандай жасаган бузуулары үчүн, убактылуу айып короо жайына токтотулду.
