Жапаров министрлер кабинетинин төрагасынын орун басары болуп дайындалды

Жапаров Акылбек Үсөнбекович Кыргыз Республикасынын министрлер кабинетинин төрагасынын орун басары – экономика жана финансы министри болуп дайындалды.

Тиешелүү жарлыкка президент Садыр Жапаров кол койду.

Акылбек Жапаров Жогорку Кеңештин депутаты болчу. Учурда Кумтөр кенин иликтеген мамлекеттик комиссияны жетектейт.

Акылбек Жапаров 1964-жылы 14-сентябрда Ысык-Көл облусунун Балыкчы шаарында туулган. Билими жогору. 1986-жылы Фрунзенин политехникалык институтун "инженер-куруучу" адистиги боюнча, 2002-жылы Бишкектин каржы-экономикалык академиясы "каржы жана салык системалары" адистиги боюнча бүтүргөн. Экономика илимдеринин доктору.

Эмгек жолу:

1986-1987 - Фрунзе политехникалык институтунунун кичүү илимий кызматкер, окутуучусу

1987-1991- ФПИнин комсомол комитетинин катчысы. ВЛКСМ БКнын мүчөсү

1991-1992 - "Толкун" ЖЧК чарбалык ишканасынын башкы директорунун орун басары

1992-1993 - КР президенттик аппаратынын жаштар саясаты маселеси боюнча бөлүм башчысы, КР өкмөттүк аппаратынын жаштар саясаты маселеси боюнча бөлүм башчысы

1993-1995 - КСДПнын жооптуу катчысы – аппарат жетекчиси

1995-1996 - КРдин биринчи вице-премьер-министринин жардамчысы

1996-1997 - КР президентинин алдындагы Баалуу кагаздар боюнча улуттук комиссиянын мүчөсү, комиссиянын катчысы

1997-2000 - КР Каржы министрлигинин башкы инспектору, Мамлекеттик салык кызматынын алдындагы төлөмдөрдү алуу башкармалыгынын жетекчиси

2000-2005 - Жогорку Кеңештин мыйзам чыгаруучу жыйынынын депутаты, салык, бажы жана башка төлөмдөр боюнча комитеттин төрагасы. "Кыргызстандын аймактары" депутаттык тобунунун мүчөсү

2006 - каржы министринин милдетин аткаруучу

2006-2007 - экономика жана каржы минстри

2007 - каржы министри

27-декабрь, 2007 - КРдн экономикалык өнүктүрүү жана соода министри

2009-2010 - КРдин биринчи вице-премьер-министри

2009 - КРдин ЕврАзЭШтеги атайын өкүлү, КМШ маселелери боюнча КРдин улуттук координатору, КМШнын Экономикалык кеңешинде республиканын өкүлү жана Евразиялык экономикалык шериктештиктин Интеграциялык комитетинин мүчөсү

ноябрь, 2010 - "Ар-Намыс" саясий партиясынын тизмеси менен Жогорку Кеңештин VI чакырылышынын депутаты

2011- 2012 - КРдин каржы министри

октябрь, 2015 - "Бир Бол" саясий партиясынын тизмеси менен Жогорку Кеңештин VI чакырылышынын депутаты болуп шайланган.

КРдин эмгек сиңирген экономисти, II класстагы мамлекеттик катчы, Нарын облусунун ардактуу жараны.

Сыйлыктары:

"Манастын" 1000 жылдыгы", "Шериктеш" медалдары.

Үй-бүлөлүү, үч баланын атасы