Бишкекте мамлекеттик имараттардын тосмолору алынып жатканын тургундар социалдык тармактарга жазып, тасмаларын чыгарышууда. Бул боюнча мэрияга байланышканыбызда тосмолор алынып жатканын тастыктады.
Маалыматка ылайык, аталган иш-чаралар "Бишкек башкы архитектура" мамлекеттик мекемесинин кайрылуусунун негизинде жүргүзүлүп жатат. Тосмолорду алуу шаар куруу жана архитектуралык иш чөйрөсүндө бирдиктүү стратегиялык саясатты ишке ашыруу жана борбордун эстетикалык көрүнүшүн жакшыртуу максатында жүргүзүлүп жатканы кабарланды.