Юстиция министрлигинин 95 жылдыгына карата футбол боюнча турнир өттү
Юстиция министрлигинин 95 жылдык мааракесине карата ведомствого караштуу түзүмдөр арасында турнир уюштурду. Бул тууралуу ЖАКнын басма сөз кызматынан билдиришти.
Маалыматка караганда, Юстиция министрлигинин Борбордук аппаратынын, Жазаларды аткаруу кызматынын, ЖАКнын Кайтаруу жа күзөтүү департаментинин, Пробация департаментинин, Мамлекет кепилдеген юридикалык жардамды координациялоо борборунун, Мыйзам чыгаруу жана мыйзамдуулук, Соттук-эксперттик кызматы, Соттук өкүлчүлүк борбору жана Мамлекеттик кепилдиктер институтунун кызматкерлеринен 10 команда түзүлдү.
Алардын баары Кыргыз Республикасынын Юстиция министрлигинин бөлүмчөлөрү болуп саналат.
Оюнчулар үчүн ачылыш сөздү министр Аяз Баетов жана ЖАКнын төрагасы, генерал-майору Аскат Эгембердиевдер сүйлөп, кесиптештерин мындан да тыгыз координациялоого чакырышты. Ал эми футбол аянтчаларында жөн гана жолдоштук беттешүүлөр бул үчүн эң ылайыктуу экенин эскертишти.
Баш байге үчүн күрөш Бишкектеги 7412-аскер бөлүгүнүн спорт аянтчасында болду.
Жыйынтыктары төмөнкүчө:
1-орунду Кайтаруу да күзөтүү. Департаментинин автоколонна башкармалыгынын командасы;
2-орун - ЖАКнын Борбордук аппаратынын командасы;
3-орун Кайтаруу да күзөтүү. Департаментинин конвой бөлүмүндө.
Жеңүүчүлөр кубок, медалдар жана дипломдор менен сыйланышты.
