Бишкектин райондорунун атын өзгөртүү сунушталды

Борбор калаанын төрт районунун атын өзгөртүүнү Бишкек шаардык кеңешинин депутаттары сунушташты. Кайрылууну Социал-демократтар фракциясынын мүчөсү Таалайбек Усубалиев окуп берди.

Усубалиевдин айтымында, азыркы аталыштар тарыхый миссиясын аткарып бүтүп, моралдык жактан эскирген. Ал аталыштарды алмаштырууда улуттук идеологияны эске алуу керек деп эсептейт.

Сунушталган аталыштар:

• Биринчи май районун - Турдакун Усубалиев же Жусуп Абдрахманов деп атоо;

• Свердлов району - Манас же Чыңгыз Айтматов;

• Октябрь району - Сүймөнкул Чокморова же Байтик баатыр;

• Ленин району - Абсамат Масалиев же Исхак Раззаков.

Бирок, бул маселени кароону Жогорку Кеңештин депутаттары күзгө калтырышты.

Автор: Медина Бектурова