Бишкекте маршруттук каттамдар жүрбөй калабы?
Бишкек мэриясы келерки аптада 100 автобус сатып алат. Бул тууралуу маалымат жыйында шаар башчысы Эмилбек Абдыкадыров билдирди.
Анын айтымында, министрлер кабинетинин башчысы Акылбек Жапаров сатып алууну каржылоого убада берген. Транспорт Европа реконструкциялоо жана өнүктүрүү банкы менен бирге Азия өнүктүрүү банкы аркылуу сатылып алынат.
"Өтө татаал жол-жобо. Тендер жарыялангандан кийин тендердик табыштамаларды ачканга чейин дагы үч ай күтүш керек", - деди мэр.
Күзүндө борбор калаанын борборунда маршруттук таксилер жүрбөйт, автобустар жүрмөкчү.
"Мен жүргүнчү ташуучу компаниялардын жетекчилери менен жолугуп, жылдын аягына чейин автобустарды алып келебиз, схемалар даяр экенин айттым. Мен аларга он автобус сатып алып, өз линиялары менен жүрүүсүн сунуштадым. Мен эскерттим. Борбордун борборун кичи автобустардан тазалап, экологиялык таза транспортту ишке киргизебиз. Бул октябрь-ноябрь айларында болот", - дейт мэр.
Автор: Медина Бектурова
