Баткен облусундагы Көк-Таш - Ак-Сай - Тамдык унаа жолунунун 7-километринде жаңы көпүрөнүн курулушу аяктады. Бул тууралуу Транспорт жана коммуникация министрлигинин басма сөз кызматы билдирди.
Көпүрөнү "Кыргызавтожол" мамлекеттик ишканасынын №2 жол тейлөө башкармалыгы курду.
17-сентябрда Көк-Таш - Ак-Сай -Тамдык унаа жолунун Дача-Чайкана участкасында тажик аскерлери Ак-Суу дарыясына орнотулган 36 метрлик көпүрөнү жардырып жиберишкен. Бул көпүрө калк үчүн дары-дармек, азык-түлүк жана башка керектүү товарларды жеткирүүчү эң керектүү өтмөк болгон. Жаңы көпүрө аталган көпүрөнүн жанына курулду.