Соода кылганда сатуучулардан ККМ чек талап кыласызбы? (сурамжылоо)

Мамлекеттик салык кызматы ушул жылдын 10-майынан тартып "Чек талап кылып, байге утуп ал!" лотереясын өткөрүүдө. Лотереянын негизги максаты – жарандарды кассалык чектерди талап кылууга кызыктыруу жана бул аркылуу көмүскө бизнести кыскартууга көмөктөшүү.

Лотерея Кыргызстандын бардык аймагында өткөрүлүп, 2022-жылдын 31-декабрына чейин уланат.

Лотереянын үчүнчү жыйынтыктоочу утушу – ушул жылдын 31-декабрында өтөт.

Эске салсак, биринчи утуш 1-июлда, экинчи утуш -жылдын 1-октябрда болуп өткөн.

Биздин каналдын эмгек жамааты бул ирет Сокулуктун тургундарынан соода кылган учурда дүкөн ээлеринен чек талап кылышабы же кылышпайбы, ошол тууралуу сурамжылоо кылдык.