Балыкчыдагы соттолгондор абактан кондитердик адистикке ээ болуп чыгышты
Эркиндикке – таза абийир менен! Балыкчы шаарындагы №51 жатак абагындагы жазасын өтөп жаткан соттолгондор кондитердик азыктарды бышырганды үйрөнүп, даяр адис катары эркиндикке кетүүгө мүмкүнчүлүк алышты. Бул тууралуу ЖАКнын басма сөз кызматынан билдиришти.
Маалыматка ылайык, круассан, батрушка жана чак-чак бышыруу тажрыйбасы бар болуп Германиядан келген өнөктөштөр менен кызматташуунун аркасында Балыкчы шаарындагы №51 жатак абагындагы жазасын өтөп жаткан соттолгондор кондитердик азыктарды бышырганды үйрөнүп, таза акча таап, даяр адис катары эркиндикке кетүүгө мүмкүнчүлүк алышты.
Ысык-Көлдүн жээгинде жайгашкан Кыргыз Республикасынын Юстиция министрлигинин Жаза аткаруу кызматынын №51 жатак абагынын алдындагы №1 кесиптик лицейинин филиалында "Наабайчы-кондитер" - тобунун окуу классынын салтанаттуу ачылышы болду.
Майрамдык иш-чарага ЖАКнын адистештирилген бөлүмдөрүнүн жетекчилери, КР Билим берүү жана илим министрлигинин, Балыкчы шаардык мэриясынын өкүлдөрү, иш берүүчүлөр, журналисттер катышты. Ошондой эле эл аралык өнөктөштөр, DVV International Борбордук жана Түштүк-Чыгыш Азия боюнча директорунун орун басары Уве Гартеншлогер, DVV International аймактык долбоорлорунун координатору Кэтлин Гланс жана алардын кесиптештери болушту.
Бул жерде КР Юстиция министрлигинин Ысык-Көл жана Нарын облустары боюнча Пробация башкармалыгынын аймактар аралык мекемесинде жазасын өтөп жаткан жарандар жана кардарлар окушат.
Сунушталган кесип эмгек рыногунда чоң суроо-талапка ээ. Мекеменин Балыкчы шаарындагы ооруканалар, аскер бөлүктөрү жана балдар мекемелери үчүн нан бышыруучу өзүнүн наабайканасы бар.
- Долбоорду ишке ашыруу жазында башталган, ушунча кыска убакыттын ичинде мекеменин ылайыктуу бөлмөсүн капиталдык оңдоодон өткөрүүгө, кеңсени керектүү жабдуулар, заманбап инвентарлар, шаймандар жана эмеректер менен жабдууга мүмкүн болду. Студенттер бул жерден кийинки жашоого көнүп, өткөндү унутуп, өзүн жана үй-бүлөсүн багууга жардам бере турган бай билим менен кетээрине ишенем.
1-сентябрдан баштап окуучулар сабакка киришти.
- Алар предметти кызыгуу менен үйрөнүп жатышат, бардык информацияны илип алышып, практикага шашышат, - дейт курстун окутуучусу, өндүрүштүк окуунун мастери Молдобаева Догдургул.
Долбоор улантылат, келечекте окутуу бюджеттик каржылоого өткөрүлөт. Жетекчилеринин пландары брюнча ыктарга ээ болуу процесси менен өздөрүнүн кондитерлик ишканасын өнүктүрүүнү айкалыштыруу.
Расмий бөлүктөн кийин, достук чай ичүү учурунда коноктор бул жерде кандай даамдуу печенье, булочка жана башка азыктар даярдалганын жеке даамдап билишти.
