Таласта "Арсенал" рейдинин жыйынтыгында 7 мылтык жана 1 граната алынды

Талас облусу боюнча 26-28 октябрь күндөрү "Арсенал" рейди жүргүзүлдү. Бул тууралуу ​Талас ОИИБдин басма сөз кызматынан билдиришти.

Маалыматка караганда, иш чарага ​ жалпы 115 милиция кызматкери​ катышты.

"Арсенал" рейдинин ​ максаты ​ мыйзамсыз сактоодогу ок атуучу куралдар ок дарылар жарылуучу заттарды аныктоо.

Талас облусунун аймагында эл арасында мыйзамсыз сакталган ​ ​ ар кандай ок атуучу куралдарды өз ыктыяры менен тапшыруусун жана ошондой эле тапшырылган ок атуучу куралдардын ​ өздөрүнүн пайдасына мыйзамдаштыруусуна ​ багытталган. Мындан тышкары ок атуучу куралы бар жарандар ​ менен ок атуучу курал менен жасалган ​ кылмыш, окуяларды болтурбоо боюнча профилактикалык иш чараларды жүргүзүү. Ошондой эле ок атуучу куралды ​ колдонууда коопсуздук эрежелерине ылайык ​ ​ сактоо жана аткаруу. ​

Талас облусу 5 зонага бөлүнүп, аталган профилактикалык иштеринин жүрүшүндө жарандар тарабынан жалпысынан ​ 7 ок атуучу курал алынган. Анын ичинен 7 сайсыз жана бир жардыруучу зат граната (Ф-1).Тактап айтканда, Манас районунан 1 сайсыз, Кара-Буура районунан 1 сайсыз, Бакай-Ата районунан 3 сайсыз, Талас районунан 2 сайсыз, Талас шаарынан 1 жардыруучу зат граната (Ф-1).

Мындан тышкары МУУ ​ тарабынан тейлеген административдик аймактарында 380 ок атуучу куралдары бар жарандардын​ турак жайларындагы ок атуучу куралдардын сактоо эрежелери текшерилген. Ар кандай бузууларга жалпы 18 административдик протокол түзүлгөн, анын ичинен​ ​ ок атуучу газ пневматикалык, ыргытма жана электрондук куралын каттоо мөөнөтүн бузгандыгы үчүн 134 берене менен 11 административдик протокол түзүлгөн. Милиция кызматкерлер​ тарабынан рейддин ​ жүрүшүндө ар бир ок атуучу куралы бар адам менен коопсуздукту сактоо, алып жүрүүнүн жана​ сактоо эрежелерин бузбоо боюнча профилактикалык сүйлөшүүлөрдү жүргүзүп, жалпысынан 56 милдеттемеге кол тамгасын койдуруп тапшырды.