Сокулукта дарыканага кирип 600 миң сомдук дары уурдап кеткендер кармалды
Сокулук районунда дарыканын ичинен уурулук кылган жарандар кармалды. Бул тууралуу Чүй ОИИББдин басма сөз кызматынан билдиришти.
Маалыматка караганда, Сокулук РИИБке арыз менен Сокулук айылынын жашоочусу 1995-жылы туулган О.Т. кайрылып, арызында 9 ноябрга караган түнү саат белгисиз адамдар Шопоков шаарында жайгашкан дарыканага киришип, баасы 600 000 сомго барабар болгон дары-дармектерди уурдап кеткенин билдирип, чара көрүүнү суранган.
Аталган факт Сокулук РИИБдин КБРне Кыргыз Республикасынын Кылмыш-жаза кодексинин 205-беренеси (уурулук) менен катталып, кылмыш иши козголгон. Кылмыштын бети ачылбай келген.
15-ноябрь күнү Сокулук РИИБнүн кызматкерлеринин жүргүзүлгөн ыкчам иликтөө иш-чараларынын жүрүшүндө кылмыш жасаган адамдар: 1999 жылы туулган Т.А., 1994-жылы туулган Дж.Э. жана 1988-жылы туулган Ж.У. аттуу жарандар экендиги аныкталып, ал жарандар Кыргыз Республикасынын ЖПКнын 96-беренесинин негизинде кармалып, убактылуу кармоочу жайына киргизилишти.
Учурда тергөө амалдары жүргүзүлүүдө.
