Бишкектин борбордук бөлүгүндө митинг уюштурууга тыюу салынды

31-декабрга чейин Бишкектин бир катар жерлеринде митинг уюштурууга тыюу салынды. Мындай чечимди Биринчи май райондук соту чыгарып, аталган райондун акимчилигинин арызын канааттандырды.

Натыйжада төмөнкү жерлерде митинг өткөрүүгө тыюу салынды:

Эркиндик бульварында (Линейный көчөсүнөн Чүй кең көчөсүнө чейинки бөлүгү);

"Ала-Too" аянты;

Эркиндик бульварынын Түгөлбай-Ата көчөсүнөн (мурдагы Линейный көчөсү) Чүй кең көчөсүнө чейинки бөлүгү;

Жогорку Кеңештин айланасында;

Президенттин администрациясынын тегерегинде;

Жогорку Соттун жанында;

Россия элчилигинин алдында;

УКМКнын имаратынын алдында.

Бул чектөө "Ала-Тоо" аянтында өткөрүүлүчү мамлекеттик жана муниципалдык расмий иш-чараларга тиешелүү эмес.