Таласта бирөөнүн үйүнөн компьютер менен эт уурдап кеткен жаран кармалды
Талас ОИИБдин кайгуул күзөт кызматынын кызматкерлери кылмыштын иизин суутпай ачышты. Бул тууралуу Талас ОИИБдин басма сөз кызматынан билдиришти.
Маалыматка караганда, Талас районунун Кум-Арык айылынын тургуну 1988- ж.т. К.Т. аттуу жаран арыз менен кайрылган.
Анда 4-июндан 5-июнга караган түнү белгисиз адам үйдүн терезесин сындырып кирип бөлмөдөгү 1 компьютер жана 5 кг этин уурдап кеткенин билдириген.
Аталган факт Талас РИИБдин маалымат электрондук эсепке алуу журналында катталып, Кыргыз Республикасын Кылмыш жаза кодексинин 205-беренесине ылайык кылмыш иши козголгон.
Аталган кылмыш иши боюнча Талас ОИИБдин кайгуул күзөт кызматынын кызматкерлеринин ыкчам иш алып баруунун натыйжасында Бакай-Ата районунун Үч-Эмчек айлынын тургуну 1996-ж.т. Р.С уулу аттуу жаран шектүү катары кармалган. Талас ОИИБдин убактылуу кармоочу жайына киргизилген.
Азыркы учурда тергөө иштери жүрүп жатат.
