Кумтөр иши: Экс-депутат Исхак Пирматов 300 миң сом айыпка жыгылды
Биринчи Май райондук соту бүгүн, 9-сентябрда, Кумтөрдөгү өндүрүштө КР Кылмыш-жаза кодексинин 319-беренеси менен айыпталган Жогорку Кеңештин экс-депутаты Исхак Пирматовго карата өкүм чыгарды.
Исхак Пирматов 31-майда УКМКга суракка чакырылган. Ошол эле күнү ал Кумтөр кенин иштетүү долбоорунун ар кандай этаптарында коррупция боюнча козголгон кылмыш ишинин алкагында кармалган.
Бишкек шаарынын Биринчи Май райондук сотунун 2021-жылдын 2-июнундагы чечими менен Пирматовго карата УКМКнын тергөө абагына камоо менен 2021-жылдын 31-июлуна чейинки мөөнөткө камакка алуу түрүндө бөгөт коюу чарасы тандалган. Андан кийин сот аны эч жакка кетпөө тууралуу тил кат менен бошотуу чечимин кабыл алган.
Материалдар сотко өткөрүлүп берилгенден кийин жабык соттук отурумда болгон алдын ала угуулар дайындалды. Тергөө менен түзүлгөн келишимди эске алуу менен жолугушуу жөнөкөйлөтүлгөн форматта өттү.
Исхак Пирматов 319-берененин 2-бөлүгүндө каралган кылмыш жасагандыгы үчүн күнөөлүү деп табылып, ага 6-категориядагы 300 миң сом айып салынган.
