Эсиңизде болсун. 1-ноябрдан тарта кичи автобуска жол акы 15 сомдон болот

Бишкек шаарында 1-ноябрдан тарта коомдук транспортторго жол кире акысы көбөйөт. Анда кичи автобустар 15 сом, автобус жана троллейбустарга 11 сомдон төлөнөт. Мындай чечим 28-сентябрда Бишкек шаардык кеңештин жыйынында кабыл алынган.

Маалыматка ылайык, токтом 1-ноябрдан тарта күчүнө кирет.

Белгилей өтсөк, борбор калаада 1923 коомдук транспорт жүргүнчүлөрдү тейлөөдө. Алардын ичинен:

* 1600 менчик кичи автобустар;

* 80 муниципалдык автобус;

* 130 муниципалдык троллейбус;

* 113 менчик автобус.