Кыргызстанда бир жумада коронавирустан 9 адам көз жумду

Кыргызстанда бир жумада, тагыраагы 1нен 7-мартка чейин, коронавирустан 9 адам көз жумду. Алардын ичинен төртөө эмдөөдөн өтүшкөн эмес. Бул тууралуу COVID-19га каршы республикалык штабдан билдиришти.

COVID-19 лабораториялык негизде 4, клиникалык-эпидемиологиялык түрдө (илдетке чалдыккандар менен байланышын эске алуу менен) – 5 аныкталган.

◾️Адам өлүмүнө алып келген учурлардын басымдуу бөлүгү Бишкекте катталган. Ошондой эле Чүй, Баткен облустарында коронавирустан каза болгондор бар.

Анын ичинде:

* Бишкек – 6

* Чүй облусу – 2

* Баткен облусу – 1.

◾️Өткөн аптада, 22-28-февраль аралыгында, COVID-19 илдетинин кесепетинен адам өлүмүнө алып келген 11 учур катталган.

Коронавирус пандемиясы башталгандан бери өлкөдө 200 641 адам жугузган.

Каза болгону – 2966 адам.

Урматтуу кыргызстандыктар, эмдөөдөн өтүүнү суранабыз. Өзүңүздөргө жана жакындарыңыздын ден соолугуна кам көрүңүздөр!