ЖАКда 8-мартка карата салтанаттуу иш-чара болуп өттү
Жаза аткаруу кызматынын түзөтүү мекемелерин кайратуу, соттолгондорду жана камакка алынган адамдарды конвой менен коштоп жүрүү боюнча Департаментинде 8-март - Аялдардын эл аралык күнүнө арналган салтанаттуу иш-чара болуп өттү. Бул тууралуу ЖАКнын басма сөз кызматы билдирди.
Маалыматка караганда, аталган департаменттин башчысы, полковник Улан Бердикожоев аскер кызматкерлерин жана чакырылган конокторду, жалпыга маалымдоо каражаттарынын өкүлдөрүн майрамы менен куттуктады.
Ал белгилегендей, биз атайын контингент менен иштегендиктен Жаза аткаруу тутумунда кызмат өтөө башка укук коргоо органдарынан айырмаланат.
Жетекчиликтин куттуктоо сөздөрүнөн кийин салтанаттуу сыйлыктарды тапшыруу аземи болду. Кызматтык милдеттерин абийирдүүлүк менен аткаргандыгы үчүн ЖАКнын төрагасы, ички кызматтын генерал-майору Аскат Эгембердиевдин буйругу менен аскер кызматкер - аялдарга ыраазычылык билдирилди. Өзгөчө өзгөчөлөнгөн кызматкерлер "Кыз Сайкал", "Мыкты Айым", "Жоокер" медалдары менен сыйланышты.
Анан, албетте, бардык аялдарга жазгы гүлдөрдүн гүлдесте тартууланды.
Коноктору үчүн музыкалык белек ата мекендик сахна жылдыздарынын катышуусундагы концерт болду.
