Өткөн жумада коронавирустан каза болгон учурлар катталган жок

Кыргызстанда бир жумада, тагыраагы 5-апрелден 11-апрелге чейин, коронавирустан адам өлүмүнүн учурлары катталган жок. Бул тууралуу COVID-19га каршы республикалык штабдан билдиришти.

Маалыматка караганда, андан мурунку аптада, 28-марттан 4-апрелге чейин, COVID-19 илдетинин кесепетинен адам өлүмүнө алып келген 6 учур катталган.

Коронавирус пандемиясы башталгандан бери илдетти өлкөдө 200 970 адам жугузган.

Каза болгону – 2991 адам.

Туруктуу эпидемиологиялык кырдаалга карабастан, Кыргызстан COVID-19ду жеңгенин айтууга эрте. Дүйнөдө пандемия бүтө элек, өлкөгө коронавирустун жаңы штаммдарын алып келүү коркунучу бар.

"Өзүңүздү жана жакындарыңызды коронавирус инфекциясынын оор кесепеттеринен сактап эмдөөдөн өтүңүздөр!", - деп айтылат маалыматта.