Жаза аткаруу тутумунун эң улуу кызматкерлери сыйланды
Бүгүн Кыргыз Республикасынын Юстиция министрлигинин Жазаларды аткаруу кызматынынын борбордук имаратында Жаза аткаруу тутумунун эң улуу кызматкерлерин сыйлоо аземи болуп өттү.
ЖАКнын басма сөз кызматынан билдиришкендей, алардын ар биринин өмүр баяны уникалдуу бестселлердин же боевик тасмасынын сюжети болууга татыктуу. Же жок эле дегенде, жергиликтүү ММКнда жана социалдык тармактарда кызыктуу макала болмок.
ЖАКнын ардагерлер кеңешинин жетекчилиги жана башкармалыктын тарбиялык, социалдык-психологиялык иштери боюнча башкармалыгынын жетекчилиги салт боюнча карыяларды кеңештин башчысы Алибай Нишанбаевдин жайлуу кабинетине чогултууну чечишти.
Кыргызстандын пенитенциардык тутумунун ардагерлерине куттуктоо сөзүн ЖАКнын төрагасынын орун басары, и/к полковниги Рахатбек Жапаров айтты. Ал кесиптештерине көп жылдык кынтыксыз кызматы үчүн чын жүрөктөн ыраазычылык билдирип, аларга чыдамкайлык жана чың ден соолук каалады.
"Мындан тышкары, аларга көлөмдүү азык-түлүк пакеттери берилди. Аксакалдарга болгон мындай материалдык жардам азыркы учурда абдан актуалдуу экенин моюнга алганыбыз абзел.
Сиздерге узун өмүр, эски гвардиянын жоокерлери!", - деп айтылат маалыматта.
