
Кыргызстанда 19нан 25-апрелге чейин COVID-19ду жуктуруунун 10 жаңы учуру катталды. Бул тууралуу COVID-19га каршы республикалык штабдан билдиришти.
Анын ичинде 7 учур бүгүнкү. Бардыгы Бишкекте катталган.
Бир жумада 13 670, ал эми бир суткада 1 572 ПЧР изилдөө жүргүзүлгөн.
Стационарда – 3, амбулатордук дарыланууда 18 бейтап бар.
Пандемия башталгандан бери өлкөдө 200 990 адам коронавируска чалдыккан, 2991 адам бул илдеттен каза болгон.
Өзүңүздү жана жакындарыңызды коронавирустун оор кесепеттеринен сактап эмдөөдөн өтүңүздөр!