12 өлкөдө белгисиз түрдөгү кооптуу курч гепатит катталды
ДССУ тарабынан белгисиз түрдөгү кооптуу курч гепатит катталды. Бул тууралуу COVID-19га каршы республикалык штабдан билдиришти.
Ал тууралуу эмнелер белгилүү?
▫️12 өлкөдө 169 учур (114 учур Улуу Британияда, 13 - Испанияда, 12 - Израилде, 9 - АКШда, 6 - Данияда, Ирландияда 5тен аз, 4 - Италияда, 4 - Нидерландда, 2- Норвегияда, 2 - Францияда, 1 - Румынияда, 1 - Бельгияда);
▫️1 адам өлүмү учуру;
▫️ооруга чалдыккандардын жаш курагы 1 айлыктан 16 жашка чейин;
▫️бейтаптардын болжол менен 10% боорду алмаштыруу талап кылынган;
▫️A, B, C, E жана D тибиндеги гепатиттердин вирустары бул учурлардын биринде дагы аныкталган эмес.
▫️74 учурда аденовирус табылган, 18 адамда молекулярдык тестирлөөдө F (41-тип) тобундагы аденовирус аныкталган.
▫️тест тапшыргандардын арасынан 20 учурда SARS-CoV-2 аныкталган
▫️19 адамда SARS-CoV-2 жана аденовирустун коинфекциясы аныкталган.
ДССУ кандай алдын алуу чараларын сунуштайт?
Колду бат-баттан жууп туруу, респиратордук гигиенаны сактоо, б.а. бет кап тагынуу
Ооруну жуктуруунун алгачкы учурлары апрелдин башында катталган. 5-апрелге карата ДССУда борбордук Шотландияда он жаштан кенже курактагы балдар арасында аныкталган учурлар тууралуу маалымат болгон. 8-апрелде алардын саны бүткүл Улуу Британия боюнча 74кө жеткен.
