Бишкекте каракчылык кылган деп 2 жаран кармалды
Милициянын кайгуул кызматкерлери каракчылыкка шектүү жарандарды аныктап кармашты. Бул тууралуу Милициянын кайгуул кызматынын басма сөз кызматкери Байказы Айтикул уулу билдирди.
Маалыматка караганда, 2022-жылдын 11-майында болжол менен 03:30 чамасында Бишкек ШИИББнин "102" кызматына Лесхозная көчөсүнөн жаран жардам сурап жатат деген маалымат келип түшкөн. Айтылган дарекке ошол замат милициянын кайгуул кызматкерлери келип, маалыматты тактаганда 1986-жылы туулган Н.Р. атуу жаран арыз менен кайрылган. Анда болжол менен саат 03:40 чамасында арыз ээсин белгисиз жарандар бычак менен коркутуп, "Редми-2" үлгүсүндөгү уюлдук телефонун жана курулушка керектелүүчү инструменттерин, ошондой эле 1800 сом акчасын коркутуу жолу менен алып, белгисиз тарапка качып кетишкен.
Чакыруу менен келген милициянын кайгуул кызматкерлери ыкчам кармоо иш-чараларын жүргүзүп, кылмыш изи суй электе кылмышка шектүү катары 1990-жылы туулган Т.Э. жана 1988-жылы туулган У.Б. аттуу жарандарды кармашып, Биринчи май райондук ИИБнын Тергөө кызматына өткөрүп беришкен.
Бул факты Биринчи май райондук ИИБнын Кылмыштардын бирдиктүү реестрине катталып, сотко чейинки өндүрүшкө алынды.
