Кыргызстанда жалпы калктын 50,4 пайызын аялдар түзөт
Кыргызстанда 2012-жылдан бери жыл сайын май айынын үчүнчү жекшембисинде Энелер күнү белгиленет.
Улуттук статистика комитети билдиргендей, кыска мөөнөткө карабай бул майрам өзүнүн салтына ээ болууга жетишти. Бул күн алдында бала бакчаларда балдар өз кол чеберчиликтери менен белектерди, майрамдык концерттерди даярдашат. Мектептерде энелер темасына арналган лекциялар, ар кандай жолугушуулар өткөрүлөт. Телевиденияда бул майрамга арналган көрсөтүүлөр чыгат.
Энелер күнү өзү үй-бүлөнүн очогун сактаган – энелерге баш ийүүнү жана сый урмат көрсөтүүнү элестетет.
2022-жылдын 1-январына карата республикада 3 миллион 398 миң аял же жалпы калктын 50,4% түзгөн. Ошол эле учурда, шаардагы калктуу конуштарда 1 миллион 250 миң аял (алардын жалпы санынын болжол менен 37%), айыл жеринде - 2 миллион 149 миң (63% дан ашык) жашаган.
2021-жылы республиканын 15-55 жаштагы 150 миңден ашык аялдары эне болушту. Эненин биринчи баласы төрөлгөндө орточо жашы болжол менен 23 жашты түзгөн. Эң жаш энелер, алардын биринчи баласы төрөлгөндө, 21-22 жаштагы, Ош шаарында, ошондой эле Баткен, Ош жана Талас облустарында жашашат.
Аялдардын 27% га жакыны биринчи жолу, ал эми 35% га жакыны, же дээрлик ар бир үчүнчү аял экинчи жолу эне болушту. 13% га жакыны же дээрлик ар бир сегизинчи аял төрт же андан көп баланын энеси болуп калды.
2021-жылы мурунку жылга салыштырмалуу эгиз жана үч эм төрөлгөндөрдүн саны азайган. Ошентип, 2021-жылы 1244 эгиз төрөлсө (2020-жылы - 1436) жана 7 үч эм (2020-жылы - 14) төрөлдү.
Саламаттыкты сактоо министрлигинин маалыматтары боюнча, төрөттүн аралыгы эки жылга чейинки төрөлгөн балдардын үлүшү 32% дан жогору, үч жыл жана жогору аралыкта 42 % жакын болгон.
2000-жылдардан баштап, Кыргызстанда төрөлүү деңгээлинин өсүшү байкалган. 15-49 жаштагы ар бир аялга орто эсеп менен 3,0 бала туура келген, бул биздин өлкөдө калктын кеңейтилген репродукциясын камсыз кылуу үчүн жетиштүү.
