Кыргызстанда ажыга баруучулар эмделүүдө
Кыргызстанда ажыга баруучулар эмделүүдө. Бул тууралуу COVID-19га каршы Республикалык штабдан билдиришти.
Маалыматка караганда, 26-майдан тарта өлкөнүн бардык аймактарында 2022-жылы ажылыкка баруучуларды эмдөө иштери башталган.
Кыргызстандын Мусулмандар дин башкармалыгы билдиргендей, ажылыкка катышуу үчүн 2022-жылы 2766 квота бөлүнгөн.
Ажылыкка чыккандар үчүн виза алуудагы негизги талаптар:
1. Ажыга баруучулардын жашы 65 жашка чейин;
2. COVID-19га каршы эмдөө алуу;
3. Өлкөдөн чыкканга чейин 72 сааттын ичинде COVID-19га тесттин терс жыйынтыгы тууралуу сертификаттын болушу.
Эскерте кетсек, исламда COVID-19га каршы эмдөөгө уруксат берилген.
Сауд Арабия Королдугу тарабынан белгиленген шарттарга ылайык, ажылыкка баргандар эмдөө тууралуу сертификатты көрсөтүүгө тийиш.
